සේද මාවතේ දී හමු වූ සීගිරිය : සීගිරි පර්යේෂණ ඇසුරෙන් හෙළිවන චීන – ශ්‍රී ලංකා අතීත සබඳතා

කුසුම්සිරි කොඩිතුවක්‌කු හා කල්පනී සුබෝධා බණ්‌ඩාර

මධ්‍යම සංස්‌කෘතික අරමුදල

ශ්‍රී ලංකාවත් චීනයත් අතර පවතිනුයේ අනුරාධපුර යුගයේ මුල් කාලයට තරම් අතීතයට දිවයන ශක්‌තිමත් සංස්‌කෘතික සබඳතාවකි. ඒ පිළිබඳ සනාථ කරගත හැකි සාහිත්‍ය හා පුරාවිද්‍යා මූලාශ්‍රගත තොරතුරු බොහොමයකි. ක්‍රිස්තු වර්ෂ 5 වැනි සියවසේ රචිත සිහලවත්ථුපකරණයෙහි සිට 17 වන සියවසේ රචිත වන්නිරාජාවලිය දක්‌වා සාහිත්‍ය කෘති කිහිපයකින් ම චීනය සමග පැවති සබඳතා අනාවරණය කර ගත හැකි ය. එසේම ක්‍රිස්තු වර්ෂ 5-7 සියවස්‌ කාල අතර ශ්‍රී ලංකාවට පැමිණි පාහියන් (Fa Hsian) හා හියුංසෑං (Hsuan Tsan) යන භික්‍ෂූන්ගේ වාර්තාවලින්ද ඒ බව තවදුරටත් තහවුරු කර ගත හැකි ය. දිවයිනේ ප්‍රදේශ කිහිපයකින් ම චීන කාසි, සෙරමික්‌ බඳුන් හමුවී ඇති අතර ගාල්ලෙන් චීන භාෂාව ද ඇතුළු ෙත්‍රෙයිභාෂික ශිලා ලේඛනයක්‌ ද හමු වී තිබේ. චීනයෙහි හෑන් රාජවංශයට අයත් (Han Dainasty) සොහොන්වලින් ද ශ්‍රී ලංකාවෙන් ආනයනය කරන ලද ඇත්දළ, මුතු, අර්ධ මැණික්‌ සහ පබළු මාල හමුවී තිබීමත් ටෑන් රාජවංශ  සමයට අයත් ඓතිහාසික වාර්තාවල සඳහන් තොරතුරුත් ඒ පිළිබඳ වැදගත් සාධක වේ. මහානාම රජු (ක්‍රි.ව. 410-430) චීනයේ, ලියු-සුං  අධිරාජයාටත් සිලාකාල රජු (522-535) ලියැන්ග්  අධිරාජ්‍යයාටත් යවන ලද ලිපි පිළිබඳව ද මූලාශ්‍රගත තොරතුරු පවතී.

දකුණු ආසියාවේ වඩාත් හොඳින් ශේෂව ඇති රාජකීය නගර සංකීර්ණවලින් එකක්‌ වන සීගිරිය ක්‍රිස්තු වර්ෂ 5 වන සියවසට අයත් වාස්‌තුවිද්‍යාව, නගර නිර්මාණය, ජල තාක්‍ෂණය හා උද්‍යාන සැලසුම්කරණය, කලාව ආදී ක්‍ෂේත්‍ර රැසකම විශිෂ්ට ලක්‍ෂණ පෙන්නුම් කරන ලෝක උරුමස්‌ථානයකි. ක්‍රිස්තු වර්ෂ 477-495 අතර රජ කළ 1 වන කාශ්‍යප රජ සමයට මෙම විශිෂ්ට නිර්මාණ අයත්වන අතර ඊට පෙර හා පසු කාලයට අයත් දිගු ඓතිහාසික පසුබිමකට අදාළ සාධක රැසක්‌ සීගිරියෙහි දැකගත හැකි ය. සීගිරියේ හා තදාශ්‍රිත ව සිදුකරන ලද කැනීම්වලින් විදේශීය සබඳතා තහවුරු කෙරෙන පුරාවිද්‍යාත්මක සාධක රැසක්‌ හමු වී ඇති අතර ඊට චීන සම්භවයක්‌ සහිත කෘතීන් කිහිපයක්‌ ද ඇතුළත්වේ. ඒ හැරුණුවිට චීන නිර්මාණ හා සමානත්වයක්‌ පෙන්වන කෘතීන් කිහිපයක්‌ම සීගිරි පුරාවිද්‍යා පරිශ්‍රය තුළ දැකගත හැකි වේ. . . .

ඡායාරුපය – http://www.cinnamonair.com/destinations/sigiriya.html

සම්පූර්ණ ලිපිය කියවීම සඳහා – 2016.10.05 දිවයින බදාදා අතිෙර්කය

Previous articleදියයට පුරාවිද්‍යා උරුමයන් සුරැකීම
Next articleභික්‍ෂු ශාසනයේ නිර්මලත්වය උදෙසා බිහි වූ ඓතිහාසික කතිකාවත්
2006 වසරේ දී පේරාදෙණිය විශ්වවිද්‍යාලයෙන් වසරේ දක්ෂතම පුරාවිද්‍යා ශිෂ්‍යයාට හිමි මහාචාර්ය පී. ලිලානන්ද ප්‍රේමතිලක හා වෛද්‍ය නන්දා ප්‍රේමතිලක විශිෂ්ට නිපුනතා ත්‍යාගය සමඟ ශාස්ත්‍රවේදි (ගෞරව) (BA(sp)) උපාධිය ලබාගන්නා ලද චන්දිම, 1998 වසරේ දී මොරටුව විශ්වවිද්‍යාල‍යේ වාස්තුවිද්‍යා පීඨයෙන් ස්මාරක හා කේෂේත්‍ර සංරක්ෂණය පිළිබඳ පශ්චාත් උපාධි ඩිප්ලෝමාව ද, 2010 වසරේ දී කොළඹ පුරාවිද්‍යා පශ්චාත් උපාධි ආයතනයෙන් පුරාවිද්‍යාව පිළිබඳ විද්‍යාපති උපාධිය (MSc.) ද හිමිකර ගන්නා ලදි. 2008 - 2010 කාලයේ දි පේරාදෙණිය විශ්වවිද්‍යාලයේ පුරාවිද්‍යා අධ්‍යයන අංශයේ තාවකාලික කථිකාචාර්යවරයෙකු වශයෙන් සේවය කළ ඔහු, ශ්‍රී ලංකා රජරට විශ්වවිද්‍යාල‍යේ පුරාවිද්‍යා හා උරුම කළමනාකරණ අධ්‍යයන අංශයේ ජේ්‍යෂ්ඨ කථිකාචාර්යවරයෙකු වශයෙන් 2011 වසරේ සිට සේවය කරන අතර එහි ප්‍රාග් ඉතිහාසිය හා අභිලේඛන විද්‍යාව පිළිබඳ කථිකාචාර්යවරයා වශයෙන් කටයුතු කරයි.

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.