පී.ආර්. අසංක බුද්ධික සිරි
මධ්‍යම සංස්‌කෘතික අරමුදල, සීගිරිය ව්‍යාපෘතිය.
දියයට පුරාවිද්‍යාව යනු, මහජනයා අතර වඩා ප්‍රචලිත ව ඇති ගිලුණු නෞකාව ආශ්‍රිත කටයුතු පමණක්‌ ම නොවේ. පැරණි මානව ජන සමාජයේ පැවැත්ම හා වර්ධනය සඳහා ගෙන ගිය ක්‍රියාවලියේ දී ජලය සමඟ සහජීවනයෙන් ක්‍රියා කළ සියලු ම සාධක දියයට පුරාවිද්‍යාව යටතේ අධ්‍යයනය කළ හැකි ය. එය විටෙක දේශාටනය හෝ වෙළෙඳාම සඳහා යාත්‍රා කළ නෞකාවන් විය හැකි ය. විටක මසුන් මැරීම සඳහා භාවිත කළ කුඩා ධීවර යාත්‍රාවක්‌ විය හැකි ය. එ මෙන්ම ප්‍රාග් ඓතිහාසික මානවයා ජීවත් වූ, වර්තමාන ජලයෙන් යට වූ ජනාවාසයන් හෝ වෙරළාශ්‍රිත කුඩා ධීවර ගම්මානයක්‌ හෝ වරායන් විය හැකිය. මේ ද්‍රව්‍යමය අවශේෂ පමණක්‌ නොව පැරණි යාත්‍රා ගොඩනැගීමේ තාක්‍ෂණය ද ජලය ආශ්‍රිතව ජීවත් වූ හා ජීවත් වන ජන කොට්‌ඨාසයන් හි සංස්‌කෘතික අවශ්‍යතාවන් හා දැනුම ද දියයට පුරාවිද්‍යා පර්යේෂණ අංශයන් වේ. . . .