මනුෂ්‍යත්වයේ කතාන්දරය: මානව පරිණාමය
වසර මිලියන 13.8කට ඉහත දී පදාර්ථය, ශක්තිය, කාලය හා අවකාශය සංකලනයෙන් ගොඩනැගුණු පෘථවිය මත මනුෂ්‍යත්වය හෝ ඊට ආසන්නතම චර්යා පහළ වන්නේ අදින් වසර මිලියන 3කට ආසන්න කාලයේ දීය. මෙකී මානව සංවර්ධන තුළින් ගොඩනැගුණු ප්‍රාග් ඉතිහාසය වර්තමානයේ දී මානව පරිණාමය ලෙස ලොව පුරා පර්යේෂකයින්ගේ හා කියවන්නන්ගේ මහත් වූ අවධානයට පාත්‍ර වී ඇත.
ලංකාවට අයත් භු සීමාව තුළ මානව පරිණාමයට අදාල පුරාවිද්‍යාත්මක සාක්ෂි අල්ප වන්නේ වුවද, ඉන්දියාව, අග්නිදිග ආසියාව වැනි අසල්වැසි රාජ්‍යය තුළ මානව පරිණාමයේ ශේෂ වූ සාධක අනල්ප ය.
අන්තර්විද්‍යාත්මක හා බහුවිෂයාත්මක ප්‍රවේශයකින් යුතුව අධ්‍යනය කෙරෙන මෙම විෂය පථය කියවීම, තේරුම් ගැනීම හා වැඩිදුර ගවේෂණ සිදුකිරීම අතිශයින් විනෝදජනක වනවා පමණක් නොව අතීතය, වර්තමානය හා අනාගතය හේතුඵල සහිතව කියවීමට හා හරියාකාරව හැඩගස්වා ගැනීමට මහෝපකාරී වනු ඇත. නමුත් ලංකාවේ පුරාවිද්‍යාව, මානව විද්‍යාව හෝ විෂය පිළිබද උනන්දුවක් දක්වන අයෙකුට මෙකී දැනුම් පද්ධතිය වෙත ප්‍රවේශ වීමට ඇති ප්‍රධානතම බාධකය ලෙස එම විෂයාත්මක සොයාගැනීම් ඉංග්‍රීසි භාෂාවෙන් පැවතීම හදුනාගත හැකි ය.
එමෙන් ම, යාවත්කාලීන වන සොයාගැනීම් මෙන්ම නව සොයාගැනීම් වෙත ප්‍රවේශ වීමට ඇති බාධා ද බොහෝ විට දැකිය හැකි වේ. එනයින් මෙම ලිපි පෙළේ මුඛ්‍ය පරමාර්ථය වන්නේ විවිධ බාධා හේතුවෙන් එකලස් කිරීමට අපහසු වී ඇති මානව පරිණාමය හා අදාල විෂයගෘහිත දැනුම් කරුණු හා පර්යේෂණ වාර්තා, පාසල් හෝ විශ්වවිද්‍යාල විද්‍යාර්ථීන් හා උනන්දුවක් දක්වන ඕනෑම අයෙකු වෙත පහසුවෙන් ලගා කරවීම ය.
archaeology.lk වෙබ් පිටුවේ සතිපතා පළ වීමට නියමිත මෙම ලිපි මාලාවේ මතු දැක්වෙන මාතෘකා ඔස්සේ කරුණු පෙළ ගැස්වීමට නියමිත ය.
- මානව පරිණාමයේ ගමන 1: මනුෂ්‍යත්වයේ ආරම්භය
- මානව පරිණාමයේ ගමන 2: පශ්චාත් මයෝසීන වානර මානවයින් හා ඔස්ට්‍රලෝපිතිකස් ගණය
- මානව පරිණාමයේ ගමන 3: හොමෝ හැබිලිස් හා හෝමෝ ඉරෙක්ටස් මානවයා
- මානව පරිණාමයේ ගමන 4: හෝමෝ නියැන්ඩතාල් මානවයා
- හෝමෝ සේපියන්ස් මානවයා
- ඩෙනිසෝවන් මානවයා හා මානව පරිණාමයේ නව මානව විශේෂ
- මානවයා අප්‍රිකාවෙන් පිටවී යාම
- මානවයා නවලොව ජනාවාසකරණය කිරීම (අමරිකාව හා ඕස්ට්‍රේලියාව)
- නියෝලිතික විප්ලවය හා මුල් කෘෂිකර්මයේ නැගීම