පසුගිය වසර අටක කාලයක් තිස්සේ ශ්රී ලාංකේය පුරාවිද්‍යා දැනුම හා තොරතුරු සිංහල හා ඉංග‍්‍රීසි යන දෙ බසින් විශ්වව්‍යාප්ත ගත කරමින් ශ්රී ලාංකේය පුරාවිද්‍යා ක්‍ෂේත‍්‍රයේ උන්නතිය උදෙසා කටයුතු කළ ලංකාවේ ප‍්‍රමුඛතම වෙබ් සමූහය වන ජාතික හා ජාත්‍යන්තර සම්මාණයෙන් පුද ලද archaeology.lk කණ්ඩායම තම අට වැනි සත්වත්සරය සමරමින් තවත් සද්-කාර්යයක් සඳහා මුළ පුරන ලදී.
ශ්රී ලාංකේය පුරාවිද්‍යාව උදෙසා විශිෂ්ඨ සම්ප‍්‍රදානයක් දැක් වූ අාචාර්ය පෝල් එඩ්වවර්ඞ් පීරිස් දැරණියගල හා ආචාර්ය සිරාන් උපේන්ද්‍ර දැරණියගල යන පිය-පුතු විද්වතුන් දෙපලගෙන් ශ්රී ලාංකේය පුරාවිද්‍යා ක්‍ෂේත‍්‍රයේ උන්තතිය හා ප‍්‍රගමනය උදෙසා සිදු වූ අමරණීය සේවය ස්මරණය කිරීම හා ශ්රී ලංකා රජරට විශ්වවිද්‍යාලයේ පුරාවිද්‍යා හා උරුම කළමනාකරණ අධ්‍යයන අංශයේ දක්ෂතම විද්‍යාර්ථියාගේ සාමාර්ථ්‍ය ඇඟයීම සඳහා රන්පදක්කමක් පිරිනැමීමයි.
ඒ අනුව, ශ්රී ලංකා රජරට විශ්වවිද්‍යාලයේ පුරාවිද්‍යා හා උරුම කළමනාකරණ අධ්‍යයන අංශයේ වසරේ දක්ෂතම පුරාවිද්‍යා විද්‍යාර්ථියාගේ දක්‍ෂතාව අගයමින් 2017 වසරේ සිට ඉදිරි සෑම වසරක දී ම එහි උපාධි ප‍්‍රදානෝත්සවයේ දී රන් පදක්කමක් වාර්ෂිකව පිරිනැමීමට කටයුතු සම්පාදනය කර ඇත.
ඒ අනුව 2017 මැයි 25 වැනි දින මිහින්තලේ, ශ්රී ලංකා රජරට විශ්වවිද්‍යාලයේ උපාධි ප‍්‍රදානොත්සව ශාලාවේ දී පවත්වන ලද උපාධි ප‍්‍රදානෝත්සවයේ දී මෙම වසරේ දක්ෂතම ශිෂ්‍යාට හිමි ආචාර්ය පෝල් ඊ.පී. දැරණියගල හා සිරාන් යූ. දැරණියගල විශිෂ්ඨ නිපුනතා රන් පදක්කම අනුෂා ජයසූරිය මෙනවිය විසින් හිමිකර ගැනීමට සමත් විය.
අනුෂා ජයසූරිය මෙනවියට archaeology.lk කණ්ඩායමේ උණුසුම් සුභ පැතුම් පළ කරමු.
එම අවස්ථා දැක්වෙන විඩීයෝව පහතින් දක්වා ඇත.
අනුෂා ජයසූරිය
මහනුවර, තළාතුඔය, මොරගොල්ල ග‍්‍රාමයේ ටී.එච්.ජී. නිමල් ජයසූරිය හා එච්.කේ.ජී. අනුලා චන්ද්‍රලතා යන දෙපලගේ දියණිය වශයෙන් උපත ලැබූ ටී.එච්.ජී.ඒ.කේ. ජයසූරිය මහනුවර හපුතලේ මහ විද්‍යාලය හා මහනුවර ස්වර්ණමාලි බාලිකා මහා විද්‍යාලයෙන් අධ්‍යාපනය ලබා අ.පො.ස. උසස් පෙළ විභාගයෙන් සමත්ව 2011 වර්ෂයේ ශ්රී ලංකා රජරට විශ්වවිද්‍යාලයට ප‍්‍රවේශ විය. එහි සාමාජීයවිද්‍යා හා මානවශාස්ත‍්‍ර පීඨයේ, පුරාවිද්‍යා හා උරුම කළමනාකරණ අධ්‍යයන අංශයේ පුරාවිද්‍යා හා උරුම කළමනාකරණ විශේෂ උපාධිය සාර්ථකව හදාරා 2017 වර්ෂයේ පළමු පෙළ පන්ති සාමාර්ථයක් ලබා ගැනීමට සමත් විය. 2017 වර්ෂය සඳහා දක්ෂතම පුරාවිද්‍යා විද්‍යාර්ථියාට හිමි, ආචාර්ය පෝල් ඊ.පී. දැරණියගල හා ආචාර්ය සිරාන් යූ. දැරණියගල විශිෂ්ඨ නිපුනතා රන් පදක්කම හා සහතික පත‍්‍රය ලබා ගැනීමට සමත් විය. අනුතුරුව මධ්‍යම සංස්කෘතික අරමුදලේ පුහුණුවන පර්යේෂණ නිලධාරිණියක ලෙස සේවය කරන ලද අනුෂා මේවන විට ශ්රී ලංකා රජරට විශ්වවිද්‍යාලයේ පුරාවිද්‍යා හා උරුම කළමනාකරණ අධ්‍යයනාංශයේ කතිකාචාර්යවරියක (තාවකාලික) ලෙස ද කටයුතු කරනු ලබයි.
Congratulations