එච්.එම්. අයි. හේරත්
බාහිර කථිකාචාර්ය, ශී‍්‍ර ලංකා විවෘත විශ්වවිද්‍යාලය.
පුරාතනයේ සිට වර්තමානය දක්වා කාල පරිච්ෙඡ්දය තුළ ලෝකයේ බිහි වූ රෝමන්වරු, ග‍්‍රීක්වරු, පර්සියන්වරු, ෆිනිෂියන්වරු, චීනවරු, ඉන්දියන්වරු, අරාබිවරු, පෘතුගීසිවරු, බ්‍රිතාන්‍යවරු වැනි පෙර අපර දෙදිග ජාතින් සතුව ශක්තිමත් නාවික හමුදා පැවති බවට සාධක ඇත. එසේම ග‍්‍රීක්වරු සහ පර්සියන්වරු අතර පැණ නැගුණු සැලමිස් සටන, නැපෝලියන් (ප්‍රංශ) සහ නෙල්සන් (බි‍්‍රතාන්‍ය) අතර පැණ නැගුණු ට‍්‍ර‍්‍රැෆල්ගාර් නාවික සටන, රෝමන්වරු සහ ෆිනීෂියන්වරු අතර ඇතිවුණු පියුනික් යුද්ධය වැනි අතිශය රණකාමී නාවික යුද්ධ වලින් ලෝක සංග‍්‍රාම ඉතිහාසය වර්ණවත් වී ඇත. එහෙත් පැරණි සිංහලයන් සතුව ද පැරණි නාවික හමුදාවක් පැවති බව ඔබ දන්නවා ද? සැබවින්ම අනුරාධපුර යුගයේ සිට මහනුවර යුගය දක්වා කාලපරිච්ෙඡ්දය තුළ පුරාතන ඉන්දියන් සාගරයේ වරින්වර ඇති වුණු දේශපාලන චල්‍යතාවලට ගැලපෙන පරිදි නිර්මාණය වුණු ශක්තිමත් සිංහල නාවික හමුදාවක් මෙරට පැවති බවට සාධක ඇත. එකී සාධක ලැබෙන්නේ මහාවංශය, සම්මෝහවිනෝදනිය, නිකාය සංග‍්‍රහය, පැරකුම්බා සිරිත, රාජාවලිය, ක්වේරෝස්ගේ වාර්තා, බැලදියස්ගේ වාර්තා වැනි ප‍්‍රාථමික මූලාශ‍්‍රයවලින් මෙන්ම විල්හෙලම් ගයිගර්, ඉන්ද්‍රකීර්ති සිරිවීර, සනත් සිල්වා, ටී.ජී. කුලතුංග වැනි නූතන විද්වතුන්ගේ පර්යේෂණ මඟිනි. පොදුවේ පුරාතන ලංකාවේ පමණක් නොව ලෝකයේ නාව්ක හමුදාවකින් ඉටු කෙරුණු කාර්යයභාරයන් මෙලෙස ඉදිරිපත් කළ හැකි ය.
- සතුරු නාවික යාත‍්‍රා සමඟ මුහුදේ දී මුහුණට මුහුණ ලා සටන් කිරීම
- මුහුදු කොල්ලකරුවන් පලවා හරිමින් වෙළඳ නැව් ආරක්ෂා කිරීම
- මිත‍්‍ර පාර්ශවීය රාජධානිවල ආරක්ෂාවට ආධාරක සේනා යැවීම
- දීර්ඝ කාලීන යුද්ධයකට අත්‍යවශ්‍යවන අතිරේක සේනා, ආහාරපාන, වෛද්‍ය පහසුකම්, අවි ආයුධ ප‍්‍රවාහණය කිරීම
- සාධාරණ හොතු මත විදේශ රාජ්‍යයන් ආක‍්‍රමණය කිරීම
පුරාතන ලංකාවේ ප‍්‍රථම වරට නාවික හමුදාවක් බිහි කිරීමේ ගෞරවය හිමිවන්නේ කි‍්‍රස්තු වර්ෂ 5 සියවසේ රජකල මුගලන් රජතුමාට ය. හෙතෙම නාවික හමුදාවක් තනා ලංකාව අවට මුහුදු කලාපය ආරක්ෂා කළේ ය. කි‍්‍රස්තු වර්ෂ 6 පාලනයට පත් අබහරණ සලමේවන් හෙවත් සිලාකාල රජතුමා ද ස්වකීය පුත‍්‍රයාට මලයරාජ තනතුරු දී ලංකාව අවට සමුද්‍රාරක්ෂාවට පත් කළේ ය. මීට අමතර ව කි‍්‍රස්තු වර්ෂ 8 සියවසේ දෙ වැනි සේන රජතුමා ද, කුට්ඨක නම් සිංහල සෙනවියකුගේ නායකත්වය යටතේ නාවික යාත‍්‍රාවල නැගී සේනාවක් පාණ්ඩ්‍ය දේශයට යවා ඇත. ඒ පෙර ශ්රී ලංකාව ආක‍්‍රමණය කළ ශ්රී මාර ශ්රී වල්ලභ නම් රණකාමී පාලකයෙකුට එරෙහිව ය. පාණ්ඩ්‍ය දේශය ආක‍්‍රමණය කළ මෙම සිංහල සේනාව ශ්රී මාර ශ්රී වල්ලභ පරාජයකර විශාල ධනයක් මෙරටට ගෙන ආවේය. කි‍්‍රස්තු වර්ෂ 10 සියවසේ පස්වැනි කාශ්‍යප රජු ද චෝල දේශයට එරෙහිව පාණ්ඩ්‍ය රජුට ආධාර පිණිස සක්ක නම් සෙනවියෙකුගේ මූලිකත්වය යටතේ සේනාවත් පාණ්ඩ්‍ය දේශයට යවා ඇත. කි‍්‍රස්තු වර්ෂ 11 සියවසේ රජකල පළමු වැනි විජයබාහු රජු ද චෝල දේශය ආක‍්‍රමණය කිරීම සඳහා නාවික සේනාවක් යැවිමට උත්සාහ කළ ද එය අසාර්ථක විය. එහෙත් පැරකුම්බා රජුට පෙර රජ කළ, විජයබාහු (කි‍්‍ර.ව. 1055 – 1110) කල ලංකාව හා බුරුමය අතර දේශපාලන, සංස්කෘතික හා ආර්ථික සබඳතා අලුත් වු අවධියක් විය. නමුත් පැරකුම්බා රජු කල බුරුමයේ රජ පැමිණි “අලවංසිතු” නම් රජු කිසියම් හේතුවක් නිසා බුරුම වෙරළට එන සිංහල වෙළෙදුන්ට නොයෙකුත් අඩත්තෙට්ටම් කළේ ය. හෙතෙම සිංහල වෙළෙදුන්ගේ ධනය රාජසන්තක කළේ ය. ඉන් නොනැවතුන රජු කාම්බෝජය බලා ගිය සිංහල කුමාරිකාවක ඇතුලු පිරිසක් සිරගත කළේ ය.කෝපයට පත් පැරකුම්බා රජු බුරුමය යටත් කර ගැනිමට පිඹුරුපත් සැකසිය. ඒ අනුව නැගෙනහිර වෙරළේ කුච්චවෙලිය නම් වරායේ අවශ්‍යය නැව් තනවා එවා ආක‍්‍රමණවල දි අත්‍යවශ්‍ය අවිආයුධ, ඖෂධ හා සහල් ගබඩා කළේ ය. අනතුරුව පුහුණු නාවික හමුදාවක් තනවා බුරුම ආක‍්‍රමණය මෙහෙය වීමට කිත්ති නුවරගිරි හා දමිලාධිකාර ආදිත්‍ය යන සෙනෙවියන්ට භාර කළේ ය. නාවික සේනාව බුරුමය බලා යාත‍්‍රා කළ අතර අතර මඟ දි පිරිස කාක දිවයින් නම් දුපත් පෙලක් ( අන්දමන් හා නිකොබර් දුපත් විය හැකි ය) අල්ලා ගත්හ.
මාසයක ගමනින් පසුව නුවරගිරි සෙනවි ප‍්‍රමුඛ සිංහල සේනා බුරුමයේ කුසුම් තොටට ගොඩ බැස්සහ. භුමියට ගොඩබට සිංහල සේනාව ගම්, නියම්ගම්, නගර ගිනි තබමින් බුරුම අගනුවර වු කුසුම් නුවරට කඩා වැද නගරය කොල්ලකා අලවංසිතු රජු මරා දැමි ය. මේ අතර ආදිත්‍ය සෙනෙවි ද සිය සේනාව කැටුව “පප්ථාල” නම් තොටින් බැස උක්කම් නම් නගරය අල්ලා ගත් බව චුලවංශය විස්තර කරයි. පසුව බුරුම ථේරවාදි හිමිවරුන්ගේ ඉල්ලීම මත සිංහල සේනාව ආපසු මෙරටට පැමිණියේ ය. සිංහලයන්ගේ මෙකි බුරුම ආක‍්‍රමණය බුරුම මුලාශ‍්‍රය වල නැත. නමුත් චූලවංශයේ මෙය සවිස්තරව දක්වා ඇත. තව ද බුරුම ජයග‍්‍රහනය වෙනුවෙන් පැරකුම්බා රජු විසින් කිත්ති නුවරගිරි සෙනෙවියාට ප‍්‍රදානය කල ගම්වර පිළිබඳව සඳහන් කෑගල්ල දෙවනගල ශිලා ලිපියෙන්ද මේ ආක‍්‍රමණය සනාථ වේ. මහාචාර්ය එස්. පරණවිතාන මහතා ද ,මහාචාර්ය ඇල්. බෂාම් මහතා ද පැරකුම්බා රජුගේ බුරුම ආක‍්‍රමණය පිළිගනි. මීට අමතරව පරාක‍්‍රමබාහු රජු විසින් චෝලයන්ට විරුද්ධව පාණ්ඩ්‍ය දේශය ආරක්ෂා කිරීම සඳහා ලංකපුර, ජගත් විජය යන සෙන්පතිවරු යටතේ නාවික හමුදාවක් යවා ඇත. නිකාය සංග‍්‍රහය මෙම සේනාව හඳුන්වා දී ඇත්තේ නැවැති සෙනඟ නිමිනි. මහා පරාක‍්‍රමබාහු රජතුමාගේ බුරුම, චෝල, පාණ්ඩ්‍යවල සිදුකළ දිග් විජයන්ගෙන් පසුව ශ්රි ලාංකිකයන් සිදුකළ විදේශ නාවික ආක‍්‍රමණයක හෝඩුවාවක් ලැබෙන්නේ කීර්ති ශ්රි නිශ්ශංක මල්ල රජු (ක‍්‍රි.ව. 1187 -1196) දවස ය. ඔහුගේ ගල්පොත ශිලාලිපියට අනුව තමා පාණ්ඩ්‍ය, චෝල, කේරළ රාජ්‍යන් යටත් කර ගත් බවත්, රාමේෂ්වරම් දේවාල භුමියේ සිටිමින නාට්‍ය බලමින් හා ගී රස විදිමින් මාස තුනක් සතුරන්ට අභියෝග කරමින් සිටි බවට වර්ණනයක් කර ඇත. කලක් යන තුරු ෙම් නිශ්ශංක මල්ලයන්ගේ දකුණු ඉන්දීය ආක‍්‍රමණය අතිශයෝක්තියක් ලෙස සැලකිනි. නමුත් ඉන්දීය පුරාවිද්‍යා දෙපාර්තෙමින්තුව (කි‍්‍ර.ව. 1936 – 1945) වර්ෂවල රාමේෂ්වරමේ සිදුකල කැනිම් වලදි නිශ්ශංකමල්ල රජු පිහිටවු ශිලාලිපියක් හමු වී ඇත. එහි අන්තර්ගතව ඇත්තේ නිශ්ශංකේශ්වර නම් දේවාලයක් කරවා එයට ගම් බිම් ප‍්‍රදානය කල වග සඳහන්ව ඇත. චෝල, පාණ්ඩ්‍ය දේශ ආක‍්‍රමණය කල වග සඳහන්ව නැතත් අඩුම තරමේ මේ සිංහල රජු ස්වකිය නාවික සේනා හරහා රාමේෂ්වරම අවට වෙරළබඩ කලාපය සිය වසඟයේ තබා ගත් බව නිගමනය කළ හැකි ය.
සිංහල රජ දරුවෙකු සිදුකළ තවත් විදේශ නාවික වික‍්‍රමයක තොරතුරක් ලැබෙන්නේ නිශ්ශංකමල්ල රජුගේ රාමේෂ්වරම් ආක‍්‍රමණයෙන් අවුරුදු 269 පසුව ය. ඒ කි‍්‍රස්තු වර්ෂ 15 සිංහලය අවසාන වරට එක්සේසත් කල VI පරාක‍්‍රමබාහු රජු කල ය. මේ රජු කල පුත්තලම ප‍්‍රදේශයේ අනවසරෙන් මුතු කිමිදවමින් සිටි විජයනගර අධිරාජ්‍යයේ ප‍්‍රදේශිය පාලකයෙකු වු මලවවරායර් නැමැත්තෙකු සිට ඇති අතර ප‍්‍රථමයෙන් සවුළු පැරකුම්බා රජු සිය සේනාව යවා ඔහු ආපසු ඉන්දීයාවට පලවාහැර ඇත. එහෙත් ඉඩ පාඩම් නොගත් මලවවරායයෝ සිය බල ප‍්‍රදේශය වු මකුඩන්කොට්ටේ රාජ්‍යයේ ආසන්නයේ ගැවසෙන සිංහල වෙළඳ නැව් කොල්ල කන්නට විය. මල්ලවරායර්ගේ උවදුර ලොප් කිරිමට සිතු පැරකුම්බාවන් සිංහල නාවික සේනාවක් මකුඩන්කොට්ටයට යවා මලවවරායර් හා ඔහුගේ සේනාව පරාජය කර අදවිරාම පටුන ප‍්‍රදේශය අල්ලාගෙන වාර්ෂිකව කප්පම් අය කල බව මෙම නාවික ආක‍්‍රමණය සඳහන් කරන ගිරා සංදේශය හා පැරකුම්බා සිරිත වර්ණනා කරයි. එහෙත් මේ බවක් චුල වංශයේ හෝ රාජාවලියේ හෝ විජයනගර වාර්තාවල සඳහන්ව නැත. නමුත් VI පරාක‍්‍රමබාහු රජතුමාගේ මකුඩන්කොට්ටේ රාජ්‍ය ආක‍්‍රමණය ලාංකීක පාලකයෙකු සිදුකළ අවසාන විදේශ ආක‍්‍රමණය වේ. කි‍්‍රස්තු වර්ෂ 17 මහනුවර යුගයේ දී සෙනරත් රජතුමා පෘතුගීසින් එලවා දැමීම සඳහා බොස්කොවර් හෙවත් මීගමුව කුමාරයා නම් ඕලන්ද ජාතික සෙනවියෙකු යටතේ සිංහල නාවික හමුදාවක් ගොඩනඟා ගෙන ඇත. එහි නිලබල ක‍්‍රමය මෙසේ ය.
| යාත‍්‍රාව | මෙහෙය වූ නායකයා |
| කැන්ඩි නම් යුද්ධ යාත‍්‍රාව | කපිතාන් සුන්දරප්පු |
| ගාල්න්චි නම් යුද්ධ යාත‍්‍රාව | කපිතාන් කෙස්ටිනා |
| මීගමුව නම් යුද්ධ යාත‍්‍රාව | කපිතාන් ඩිංගප්පු |
| ගොටුන් නම් යුද්ධ යාත‍්‍රාව | කපිතාන් ඔර්ඩියා |
| ගෙලූක් නම් යුද්ධ යාත‍්‍රාව | කපිතාන් මාරසිංහ |
| ටොරෝවේ නම් යුද්ධ යාත‍්‍රාව | කපිතාන් සුන්දරප්පු |
මෙම සිංහල නාවික සේනාව මීගමුව, මන්නාරම, කුමාරි තුඩුව යන ප‍්‍රදේශ වල මෙහෙයුම සිදුකොට පෘතුගීසි යුද්ධ යාත‍්‍රා සහ ප‍්‍රවාහන යාත‍්‍රා විශාල සංඛ්‍යවක් විනාශ කළ බව බැල්දියස් වාර්තා කරයි. මෙම කරුණු සමාලෝචනය කොට බැලීමෙන් පෙනී යන්නේ අනුරාධපුර යුගයේ සිට මහනුවර යුගය දක්වා කාලපරිච්ෙඡ්දය තුළ සිංහලයන් සතුව නාවික හමුදාවක් පැවති බවයි. මෙ පරිද්දෙන් වරින්වර ලංකාව තුළ නාවික හමුදා සහ සටන් පිළිබඳව වාර්තා පැවතිය ද, නෞකාවක ස්වරූපය පිළිබඳව තොරතුරු ලැබෙන්නේ මද වශයෙනි. එහෙත් ලී චායෝ, කොස්මස්, ෆාහියන් හිමි යනාදින්ගේ වාර්තා වලට අනුව ලංකාවේ නැව් තට්ටු තුනකින් සමන්විත වූ අතර මිනිසුන් 700ක් පමණ ප‍්‍රවාහනය කළ හැකි ය. හදිසි අවශ්‍යතාවන් සඳහා නැවට කුඩා ඔරු සවිකර තිබිනි. තව ද, නැව කුඹ ගසකින් සහ සුක්කානමකින් සමන්විත වූ අතර ගබඩා, කුඩා රෝහල් හා රැස්වීමි ශාලා වැනි විශේෂ අංගෝපාංග වලින් සිංහල නෞකා පරිපූර්ණ විය.
--------------------------------------------------------------------------------------------------------
මෙම ලිපිය 2017.12.11 වැනි දින පළමු වරට www.archaeeology.lk/sinhala වෙබ් අඩවියේ ප‍්‍රකාශයට පත් විය.
--------------------------------------------------------------------------------------------------------
I was very happy to find this article and was eager to read.
After trying to go through it, I was appalled and disappointed by the difficulty of comprehending the sentences. Disregarding punctuation rules and the usage of absurd words are drawbacks to read and understand this article. Please re-write the article in clear language, because the subject matter is valuable. There are even some jokes included such as our naval actions reaching Paraguay in 12th century. Paraguay name was coined in 16th century AD by the spanish. Furthermore, Paraguay is land locked.
It appears to me that this bogus article was either written as a joke or written simply to discredit the named educated persons. The same article can be seen auto translated into various scripts and languages in similar looking sites.
If genuine, please re-write.
Thank you for the comment. We will inform the author.