පහත දක්වා ඇත්තේ ශ්‍රී ලංකාවෙන් හමු වී ඇති පැරණිතම රන් සන්නස වේ. මෙය කොළඔ ජාතික කෞතුකාගාරයේ ප්‍රදර්ශනයට තබා ඇත.
ක්‍රි.ව. පළමුවන සියවස
රන්
දිග – සෙ.මි – 10.1, පළල – සෙ.මී 4.2,
බර – ග්‍රෑම් 5
වල්ලිපුරම්, වඩමාරච්චි කොට්ඨාශය, යාපනේ දිස්ත්‍රික්කය
1936 දී සොයා ගන්නා ලද මෙම රත අපර බ්‍රාහ්මී යුගයට අයත් අක්‍ෂරවලින් ලියා ඇත. වසභ (ක්‍රි.ව. 65 – lll) රජුන්ගේ ඉසිගිරිය නම් අමාත්‍යවරයා විසින් නාගදීපය පාලනය කරමින් “බදකර” නම් ස්ථානයේ පියගුක තිස්ස නමින් බෞද්ධ විහාරයක් කළ බව මෙහි සඳහන් වේ. ක්‍රි.ව. පළමුවන සියවස තුළ යාපනය දිස්ත්‍රික්කයේ බෞද්ධ විහාරයක්ව ති බවටත්, මෙම ප්‍රදේශය වසභ රජු යටතේ පාලනය වු බවටත් මෙම ලේඛනය මගින් තහවුරු වේ. තව ද ක්‍රි.ව. පළමුවන සියවස තුළ ශ්‍රි ලංකාවේ පැවති අක්‍ෂර සහ භාෂාව පිළිබඳව දැන ගැනීමට ද මෙම ලේඛනය වැඳගත්සාක්ෂියකි.
විස්තරය – කොළඔ ජාතික කෞතුකාගාර