30 C
Colombo
Saturday, April 17, 2021

‘ඓතිහාසික ස්මාරක ස්ථාන ආශ්‍රිත කුරුටු සටහන් සංකේත’ කෘතිය පිළිබඳ සටහනක්

Must read

 “ශ්‍රී ලංකාවේ ඓතිහාසික හා පුරාවිද්‍යාත්මක වටිනාකමක් සහිත බොහෝ ස්මාරක ස්ථානවල අපට වසර දහස් ගණනක සිට නිශ්චිත අර්ථනිරූපණය කරන ශිලා ලේඛන සාධක විශාල ප්‍රමාණයක් හමුවී තිබේ. මේ හැර ගල්තලය මත කිසියම් අර්ථයක් සන්නිවේදනය කිරීමේ අරමුණින් පැරැන්නන් විසින් සටහන් කරන ලද මානව සත්ව හා විවිධ හැඩයෙන් යුක්ත ජ්‍යාමිතික රූප සටහන් සංකේත විශාල ප්‍රමාණයක් ද දැකගත හැකි ය …

ඉහත සටහන හෝමාගම පිහිටි ශ්‍රී ලංකා බෞද්ධ හා පාලි විශ්වවිද්‍යාලයේ පුරාවිද්‍යා අධ්‍යයන අංශය මගින් සිය ප්‍රථම පර්යේෂණ ව්‍යාපෘතිය අලලා සම්පාදිත නවතම කෘතිය වන ඓතිහාසික ස්මාරක ස්ථාන ආශ‍්‍රිත කුරුටු සටහන් සංකේත” ග්‍රන්ථයෙන් උපුටා ගන්නා ලද්දකි. අනුරාධපුර ථුපාරාමය, මිරිසවැටිය දාගැබ, අභයගිරිය දාගැබ හා ලංකාරාම දාගැබ ආශ්‍රිත සලපතල මළුවල දක්නට ලැබෙන සංකේත පිළිබඳ ව මෙම පර්යේෂණ ග්‍රන්ථය සම්පාදනය කර ඇත.ශ්‍රී ලංකාවේ අපර බ්‍රහ්මීය සෙල්ලිපි බොහොමයක් ක්‍රිස්තු පූර්ව 3 සියවසේ සිට ක්‍රිස්තු වර්ෂ 3 සියවස කාලයට යටත්ව සම්පාදිතව ඇති අතර එම සෙල්ලිපිවලින් සටහන් නොවන සමාජීය මානව හැසිරීම් ලක්ෂණ, ආකල්පයන් හා ඇදහිලි විශ්වාසයන් හැදෑරීම සදහා මනා පිටිවහලක් මෙම කෘතිය පරීශීලනය කරන්නෙකුට ලබාගත හැකි ය. මෙම පර්යේෂණය සදහා මහාචාර්ය කරුණාසේන හෙට්ටිආරච්චි මහතා උපදේශකත්වය ලබා දී ඇති අතර කථිකාචාර්ය බැරගම සද්ධානන්ද හිමි ප්‍රධාන පර්යේෂක වශයෙන් කටයුතු කර ඇත. කථිකාචාර්ය කැලෑගම ජිනරතන හිමි, කථිකාචාර්ය වටරක්ගොඩ සුමන හිමි, බාහිර කථිකාචාර්ය නිලංග උදාර ජයරත්න මහතා, ගෞරව ශාස්ත්‍රවේදී කන්තලේ සුමිත්ත හිමි, ගෞරව ශාස්ත්‍රවේදී උදය චතුරංග මහතා, උපාධි අපේක්ෂක ගම්මහේගේවැව අමිත හිමි, උපාධි අපේක්ෂක සිරිලාල් මහතා හා උපාධි අපේක්ෂක රත්නපාල මහතා මෙම පර්යේෂණයේ සෙසු සාමාජිකත්වය දරා ඇත.  

ඓතිහාසික ස්මාරක ස්ථාන ආශ‍්‍රිත කුරුටු සටහන් සංකේත”  කෘතිය  ශ්‍රී ලංකා බෞද්ධ හා පාලි විශ්වවිද්‍යාලය මගින් මිල දී ගත හැකි ‌වේ. 

විකුණුම් මිල රුපියල් 1,300.00 කි.  A4 ප්‍රමාණයේ පිටු 237 කි. 

  

- Advertisement -

More articles

LEAVE A REPLY

Please enter your comment!
Please enter your name here

This site uses Akismet to reduce spam. Learn how your comment data is processed.

- Advertisement -spot_img

Latest article

X
X